Meyvə-tərəvəz istehsalı və ixracı ilə məşğul olan sahibkarlarla görüş keçirilib

Sentyabrın 30-da Yevlax şəhərində Dövlət Gömrük Komitəsinin sədri, gömrük xidməti general-polkovniki Aydın Əliyevin meyvə-tərəvəz istehsalı və ixracı ilə məşğul olan sahibkarlarla görüşü keçirilib.

Görüşdən öncə Dövlət Gömrük Komitəsinin sədri ulu öndər Heydər Əliyevin Yevlax şəhərinin mərkəzində ucaldılmış abidəsini ziyarət edərək önünə gül dəstəsi qoyub.

Sonra Yevlax şəhərindəki Heydər Əliyev Sarayında ixracatçılarla görüş keçirilib.

Tədbirdə çıxış edən Dövlət Gömrük Komitəsinin sədri Aydın Əliyev Azərbaycan iqtisadiyyatının inkişafında və qeyri-neft sektorunun şaxələndirilməsində özəl sektorun rolundan, eləcə də sahibkarlığın inkişafına göstərilən dövlət dəstəyindən bəhs edib.

Görüşdə gömrük orqanları tərəfindən xarici ticarətin asanlaşdırılması və daxili bazarın qorunması istiqamətində görülən işlər, gömrük ödənişləri zamanı sahibkarlara güzəştlər, göstərilən elektron gömrük xidmətləri haqqında məlumat verilib.

Dövlət Gömrük Komitəsinin sədri Aydın Əliyev bildirib ki, ölkənin iqtisadi təhlükəsizliyinin təmin olunmasında, münbit biznes mühitinin formalaşması və sahibkarlıq fəaliyyətinin inkişafında mühüm rol oynayan gömrük orqanları bu istiqmətdə ardıcıl tədbirlər həyata keçirir.

Gömrük sistemində son islahatlar nəticəsində idxal-ixrac əməliyyatlarının rəsmiləşdirilməsinin sadələşdirilməsi, bütün istiqamətlərdə gömrük işinin beynəlxalq standartlara uyğun aparılması, normativ-hüquqi bazanın yaradılması, gömrük sərhədindən mal dövriyyəsinin sürətləndirilməsi istiqamətində məqsədyönlü işlər görülüb.

Qeyd edilib ki, Dövlət Gömrük Komitəsinin fəaliyyətində biznes-gömrük əməkdaşlığına xüsusi önəm verilir, bu məqsədlə vaxtaşırı olaraq işgüzar dairələrin nümayəndələri ilə görüşlər keçirilir. Bu kimi görüşlər gömrük-biznes sahəsində qarşıda duran vəzifələri bir daha müəyyənləşdirmək və inkişaf yollarını aramaq işinə öz töhfəsini verir. Xüsusilə kənd təsərrüfatı məhsullarının istehsalı və ixracı ilə məşğul olan biznes subyektlərinin fəaliyyətinin günün tələbləri səviyyəsində qurulması üçün lazımi dəstək göstərilir.

DGK sədri gömrük orqanları tərəfindən reallaşdırılan “bir pəncərə”, “elektron bəyannamə”, “yaşıl dəhliz” və digər yeniliklərin idxal-ixrac əməliyyatlarının sürətli və şəffaf şəkildə həyata keçirilməsinə münbit şərait yaratdığını bildirib. Biznes-gömrük əməkdaşlığının inkişaf etdirilməsi, qarşılıqlı işgüzar münasibətlərin peşəkar şəkildə qurulmasının ümumi işə faydasından bəhs edən A. Əliyev gömrük orqanlarının daim sahibkarların yanında olduğunu, onları narahat edən məsələlərin bundan sonra da operativ və obyektiv şəkildə həllini tapacağını diqqətə çatdırıb.

Nar İstehsalçıları və İxracatçıları Assosiasiyasının nümayəndəsi Arif Qaraşov narçılığın inkişaf etdirilməsi, narın xarici bazarlara daha geniş həcmdə çıxarılması və ixrac miqyasının yeni bazarlar hesabına genişləndirilməsi məqsədilə aparılan işlərdən danışıb.

Xurma İstehsalçıları və İxracatçıları Assosiasiyasının sədri Qədir Yusifov qeyd edib ki, Azərbaycan əsas xurma istehsalçısı və ixracatçılarındandır və ölkəmizin bu sahədə geniş potensialı var. Assosiasiyanın qarşısında duran vəzifələr də bu sahədə istehsalın və ixracın artırılmasını təmin etməkdən ibarətdir.

Daha sonra iş adamları gördükləri işlər barədə məlumat verərək xarici iqtisadi fəaliyyətlə məşğul olan sahibkarlıq subyektlərinin dəstəklənməsi məqsədilə əlaqəli qurumların qarşılıqlı fəaliyyətini dəyərləndirib, həmçinin sahibkarlıq fəaliyyətinin düzgün istiqamətləndirilməsilə bağlı bu cür görüşlərin keçirilməsinə görə təşəkkürlərini bildiriblər.

Görüşün sonunda sahibkarları maraqlandıran suallar ətraflı cavablandırılıb.

DGK mətbuat xidməti


© İstifadə edilərkən "Xalq qəzeti"nə istinad olunmalıdır.



  • I Avropa Oyunlarının təəssüratları uzun müddət xatirələrdə yaşayacaq

    I Avropa Oyunlarının təəssüratları uzun müddət xatirələrdə yaşayacaq

  • Hər gün bir tarix, hər gün bir zəfər

    Hər gün bir tarix, hər gün bir zəfər

  • Birinci Avropa Oyunları məşəlinin Bakının mədəniyyət və incəsənət mərkəzlərinə səyahəti

    Birinci Avropa Oyunları məşəlinin Bakının mədəniyyət və incəsənət mərkəzlərinə səyahəti

  • “Bakı – 2015”-in məşəli bölgələrə səyahətin son günündə bəşəriyyətin keçmişinə işıq salıb paytaxta qayıdır

    “Bakı – 2015”-in məşəli bölgələrə səyahətin son günündə bəşəriyyətin keçmişinə işıq salıb paytaxta qayıdır

  • Siyəzən birinci Avropa Oyunlarının məşəl estafetini qəbul etdi

    Siyəzən birinci Avropa Oyunlarının məşəl estafetini qəbul etdi

Çox oxunanlar



Təqvim

Hava haqqında