Qədim və əsrlərin salnaməsini özündə yaşadan bu diyar tarixdə bir sıra önəmli hadisələrin şahidi olub.
Sankt-Peterburqdakı Dövlət Rus Muzeyində Azərbaycanın xalq rəssamı Hüseyn Əliyevin əsərlərindən ibarət sərginin müddəti 2012-ci il yanvarın 16-dək uzadılmışdır.
Sərginin müddətinin yanvarın 16-dək, eksponatların ümumi saxlanılma müddətinin 2012-ci il yanvarın 31-dək uzadılması xahişi ilə ekspozisiyanın təşkilatçılarına Dövlət Rus Muzeyinin rəhbərliyi müraciət etmişdir.
APA-nın məlumatına görə, mərasimdə çıxış edən Nuridə Atəşi tədqiqata 15 il əvvəl başladığını demişdir. Onun sözlərinə görə, bu tədqiqat əsərində Avropada amazonlarla bağlı indiyə qədər səslənən fikirlərin puç olduğu ortaya qoyulub:
Azərbaycanda Latviya mədəniyyəti günləri çərçivəsində "Qız qalası" qalereyasında Latviya rəssamlarının sərgisi açılmışdır.
Ekspozisiyada Latviyanın iki tanınmış rəssamının - Aleksey Naumovun və Andris Vitolinsin işləri təqdim edilmişdir.
Sərginin açılışında Moskva Dövlət Universitetinin Bakı filialının rektoru, professor Nərgiz Paşayeva, Bakıda akkreditə olunmuş diplomatik korpusun nümayəndələri, mədəniyyət və incəsənət xadimləri iştirak etmişlər.
Dekabrın 8-dən 11-dək Moskvada MDB-nin 20 illik yubileyi münasibətilə SSRİ xalq artistlərinin görüşü keçiriləcəkdir.
Bu görüşə Azərbaycan incəsənətinin tanınmış nümayəndəsi, Milli Məclisin deputatı Zeynəb Xanlarova da dəvət olunmuşdur. Z.Xanlarova dekabrın 8-də Rusiyanın paytaxtına gedəcəkdir.
Dekabrın 5-də Londonun "The Horse Hospital" İncəsənət Mərkəzində yerləşən "Avanqard" Teatrında görkəmli Azərbaycan dramaturqu, Xalq yazıçısı Elçinin "Şekspir" komediyasının ingilis dilində premyerası olmuşdur. Elçin Əfəndiyev tamaşanın nümayişində iştirak etmişdir.
Dekabrın 5-də Kanadanın Vankuver şəhərində, bu ölkədə ilk dəfə Azərbaycan mədəniyyət və icma mərkəzi fəaliyyətə başlamışdır. Azərbaycan mədəniyyət və icma mərkəzində Azərbaycan dilinin, musiqisinin və milli rəqslərinin tədrisi kurslarının təşkili planlaşdırılır.
Bu barədə Milli.az saytı məlumat yayıb. Mərkəzin açılışında Vankuverdə yaşayan Azərbaycan icmasının fəal üzvü Məhəmməd Purazadın xüsusi rolu olmuşdur. Azərbaycan mərkəzinin binası M.Purazad tərəfindən əsaslı təmir edilmişdir.
Dekabrın 4-də Heydər Əliyev Sarayında V Beynəlxalq Mstislav Rostropoviç festivalının təntənəli açılış mərasimi keçirilmişdir.
Heydər Əliyev Fondunun, Mədəniyyət və Turizm Nazirliyinin və Mstislav Rostropoviç Fondunun birgə təşkilatçılığı ilə keçirilən festivalın bədii rəhbəri Olqa Rostropoviçdir.
2011-ci ilin 7-9 aprel tarixində Azərbaycan Respublikasının Prezidenti cənab İlham Əliyevin himayəsi ilə Bakıda keçirilmiş Ümumdünya Mədəniyyətlərarası Dialoq Forumunun nəticələrindən biri olaraq 2012-ci ildə mədəniyyətlərarası dialoq üzrə Bakı Qlobal Tədqiqat (Think-tank) Qrupunun yaradılması və dünyanın bütün qitələrindən məşhur ekspertlərin onun işinə cəlb edilməsi nəzərdə tutulur. Bu barədə Mədəniyyət və Turizm Nazirliyinin mətbuat xidməti məlumat yayıb. Think-tank qrupu tərəfindən Dünya Forumunun gündəliyində duracaq məsələlərə dair müzakirə sənədləri hazırlanacaq.
Azərbaycan muğam ifaçılığı sənətinin görkəmli nümayəndəsi, respublikanın xalq artisti Xan Şuşinskinin anadan olmasının 110 illiyinə həsr olunmuş yubiley tədbirləri ölkəmizin hər yerində
