10.03.2010 Türkiyədəki zəlzələ 60 nəfərdən çox insanın həyatına son qoyub Bazar ertəsinə keçən gecə Türkiyənin Əlyazıq əyalətində güclü zəlzələ baş verib. Yeraltı təkanların gücü Rixter cədvəli ilə 6 bal təşkil edib. Zəlzələnin episentri ölkənin şərqindəki Qaraköçən şəhərinin yaxınlığında qeydə alınıb. İlkin məlumatlara görə, şəhər ətrafındakı 6 kəndə daha çox ziyan dəyib, 60 nəfərdən çox adam həlak olub, 70 nəfərdən çoxu yaralanıb. İlk güclü yeraltı təkan səhər saat 4-də – adamların yuxuda olduqları vaxtda qeydə alınıb. Səhər saat 10-da isə 5,5 bal gücündə zəlzələ Bingöl şəhərinin 25 kilometrliyində baş verib.
10.03.2010 “8 Mart”ın bayram edilməsinə etiraz edənlər də var 8 Mart bayramı bütün dünyada Beynəlxalq Qadınlar Günü kimi qeyd olunur. Lakin bu bayramın tərəfdarları ilə yanaşı, onu qəbul etməyənlər də var. Belə ki, Almaniyanın qadın hüquqları üzrə hərəkatının ən tanınmış simalarından olan Alisa Şvarçer Beyənxalq Qadınlar Gününün ləğv edilməsini təklif edib. O, “Frankfurter Rundschau” qəzetinə verdiyi müsahibəsində məsələyə belə münasibət bildirib: “8 Mart Almaniya Demokratik Respublikası dövründən qalmış “soializmin qalığı”dır və o, müasir qadınların öz hüquqları uğrunda mübarizədə rastlaşdıqları çətinliklərin öhdəsindən gəlməyə heç cür kömək etmir”.
10.03.2010 Balkan barışı Avropa Birliyindən keçirXorvatiya və Serbiya Avropa Birliyinin vasitəçiliyi ilə bir-birinə tərəf addım atmağa hazır olduqlarını bəyan ediblər. Bu, AB prezidenti Herman Van Rampeyin Brüsseldə Xorvatiya prezidenti İvo Yosipoviç və Serbiyanın baş naziri Mirko Svetkoviçlə ayrı-ayrılıqda görüşündən sonra məlum olub. Keçmiş Yuqoslaviya respublikalarının liderləri Balkan müharibəsi dövründən davam edən qarşılıqlı ittihamların aradan götürülməsini nəzərdə tutan Böyük Avropaya inteqrasiyada maraqlı olduqlarını bir daha təsdiqləyiblər.
10.03.2010 BelçikaAVİ yaradılacaq Avropa Komissiyası Avropa Valyuta İttifaqının yaradılması təşəbbüsü ilə çıxış etməyə hazırlaşır. Bu qurumun yaradılmasında məqsəd avro zonasında böhran halları ilə mübarizədir. Fondla bağlı ideyanı Almaniyanın federal kansleri Angela Merkel dəstəkləyib. Məlumatı BBC yayıb.
10.03.2010 KeniyaBVF rəhbərinin açıqlaması Afrika qlobal maliyyə böhranından çıxır və bu il burada iqtisadi artım 4,5 faiz təşkil edəcək. Bu açıqlama ilə Keniyanın paytaxtı Nayrobidə Beynəlxalq Valyuta Fondunun rəhbəri Dominik Stross-Kan çıxış edib. Qeyd edək ki, 2009-cu ildə Afrika iqtisadiyyatında iki faiz geriləmə qeydə alınmışdı. Xəbəri Röyter agentliyi verib.
10.03.2010 RusiyaAlmaz hasilatı üzrə lider 2009-cu ildə Rusiya dünyada almaz hasilatı üzrə lider olub. Keçən il bu ölkədə 34,7 milyon karatlıq almaz çıxarılıb. Son illər bu sahədə lider olan Botsvanada həmin göstərici 17,7 milyon karat təşkil edib. İnformasiyanı “İnterfaks” agentliyi verib.
10.03.2010 ABŞÖz payının bir qismini rəqibinə satdı Dünyanın ən iri sığorta şirkəti AİG Alico öz payının bir qismini rəqibi Met Life kompaniyasına satıb. Sövdələşmənin məbləği 15,5 milyard dollardır. Qeyd edək ki, maliyyə böhranı nəticəsində çətinliklərlə üzləşmiş AİG-ə dövlət ümumilikdə 182,3 milyard dollar həcmində yardım edib. Məlumatı CNN verib.
Azərbaycan Respublikasının Prezidenti İlham Əliyev martın 9-da İraqın ölkəmizdəki səfiri Ərşad Ömər İsmayılı diplomatik fəaliyyətinin başa çatması ilə əlaqədar qəbul etmişdir. Dövlətimizin başçısı Ərşad Ömər İsmayılın Azərbaycandakı diplomatik fəaliyyəti dövründə ölkələrimiz arasında əlaqələrin inkişaf etdiyini vurğuladı. İraqda parlament seçkilərinin uğurla keçməsi münasibətilə təbriklərini çatdıran Prezident İlham Əliyev əlaqələrimizin
Hörmətli xanımlar! Sizi, ölkəmizin bütün qadınlarını Beynəlxalq Qadınlar Günü münasibətilə səmimi-qəlbdən təbrik edir, hər birinizə cansağlığı, xoşbəxtlik və uğurlar arzulayıram. Xalqımızın milli varlığını müəyyən edən mədəni-mənəvi dəyərlərimizin, ana dilimizin, adət-ənənələrimizin qorunub saxlanması və bu günlərədək layiqincə yaşadılmasında Azərbaycan qadını misilsiz xidmətlər göstərmişdir. O, müstəqil dövlətçiliyimizə və azərbaycançılıq məfkurəsinə sədaqət, müqəddəs vətənimizin suverenliyi və ərazi bütövlüyünün toxunulmazlığı naminə gənclərimizin doğma yurda sonsuz məhəbbət ruhunda formalaşmaları yolunda var qüvvəsini sərf edir.
Martın 5-də Azərbaycan Respublikasının Prezidenti İlham Əliyev Türkiyə Respublikasının Prezidenti Abdullah Gülə telefonla zəng etmişdir. Telefon söhbəti zamanı Azərbaycanın dövlət başçısı Amerika Birləşmiş Ştatları Konqresinin Nümayəndələr Palatasının Xarici Əlaqələr Komitəsində qəbul edilmiş qərarla bağlı öz etirazını ifadə edərək, onu qəti şəkildə pisləmişdir. Prezident İlham Əliyev bunu ədalətsiz, tarixi həqiqətləri kobudcasına təhrif edən, bölgədə gərginliyin artmasına xidmət edə biləcək bir qərar kimi xarakterizə etmişdir. O vurğulamışdır ki, Azərbaycan həmişə olduğu kimi Türkiyənin yanındadır və Türkiyəyə tam dəstək verməkdə davam edəcəkdir.
Prezident İlham Əliyev mərasimdə iştirak etmişdir Azərbaycan Prezidenti İlham Əliyev martın 5-də Müdafiə Sənayesi Nazirliyinin “Şərq” İstehsalat Birliyinin “İqlim” elm-istehsalat müəssisəsində yeni istehsal sahələrinin açılış mərasimində iştirak etmişdir. “İqlim” elm-istehsalat müəssisəsində yeni istehsal sahələri ölkənin müdafiə sənayesinin inkişafına dövlət qayğısının əyani nümunəsidir.
Martın 9-da Polşanın Baş naziri Donald Tusk Azərbaycana rəsmi səfərə gəlmişdir. Hər iki ölkənin dövlət bayraqlarının asıldığı Heydər Əliyev adına Beynəlxalq Hava Limanında hörmətli qonağın şərəfinə fəxri qarovul dəstəsi düzülmüşdü. Polşalı həmkarını Baş nazir Artur Rasizadə və digər rəsmi şəxslər qarşıladılar.
Türkiyənin Baş naziri Rəcəb Tayyib Ərdoğan Səudiyyə Ərəbistanına səfərindən əvvəl Ankaranın Esenboğa hava limanında keçirdiyi mətbuat konfransında bildirmişdir ki, qondarma “erməni soyqırımı” iddiaları ilə bağlı ABŞ Konqresində olan qanun layihəsinə dair xüsusi bir “yol xəritəsi” yoxdur. Hər bir ölkə özünün gündəliyində olan məsələləri necə dəyərləndirirsə, biz də o cür dəyərləndiririk və dəyərləndirməyə davam edəcəyik. Təbii ki, atılan bu addımın bir qarşılığı var və olacaqdır. Türkiyənin xarici işlər naziri Əhməd Davudoğlu da məsləhətləşmələr üçün geri çağırılan səfir Namik Tanla görüşdüyünü,
Martın 4-də ABŞ Konqresi Nümayəndələr Palatasının Xarici Əlaqələr Komitəsi qondarma “erməni soyqırımı” ilə bağlı qətnaməni səs çoxluğu ilə qəbul edib. ABŞ parlamentinin bu ədalətsiz və həqiqətdən uzaq qərarı Türkiyə və Azərbaycan ictimaiyyəti tərəfindən narazılıqla qarşılanıb. Artıq qardaş Türkiyə ABŞ-la münasibətlərinə yenidən baxmaq istiqamətində müəyyən addımlar atmaqdadır.
Ərazi və əhalicə eyni səviyyədə olan, öz tarixi keçmişində bir çox oxşarlıqlara malik Azərbaycan ilə Avstriya arasında son illərdə əlaqələr yüksələn xətlə inkişaf etməkdədir. Bu əlaqələrin inkişafına daim səy göstərən şəxslərdən biri də Avstriya Milli Şurasının (parlament) deputatı, Cənubi Qafqaz üzrə parlament işçi qrupunun sədri Karl Öllinqerdir. Rəhbərlik etdiyi işçi qrupunun fəaliyyəti ilə əlaqədar Cənubi Qafqaz regionuna yaxından bələd olan K.Öllinqer AzərTAc-ın xüsusi müxbiri ilə söhbətində Avstriya ilə Azərbaycan arasında ikitərəfli əlaqələrin inkişaf perspektivlərindən söhbət açmışdır.
Dəyəri 6 milyard dollar olan “Çıraq” neft layihəsinə start verildi Xəzərin Azərbaycan sektorunda yerləşən “Azəri”, “Çıraq” yataqlarının və “Günəşli” yatağının dərinlikdə yerləşən hissəsinin kəşfiyyatı, işlənməsi və hasilatın pay bölgüsü sazişi — “Əsrin müqaviləsi”nin reallaşdırılması istiqamətində daha bir mühüm addım atıldı. Dünən adı çəkilən sazişin rəhbər komitəsi tərəfindən yeni “Çıraq” neft layihəsinə sərmayə qoyulmasına qərar verildi.
Martın 9-da Təhsil, Əmək və Əhalinin Sosial Müdafiəsi nazirlikləri, Ailə, Qadın və Uşaq Problemləri üzrə Dövlət Komitəsi və Birləşmiş Millətlər Təşkilatının (BMT) Uşaq Fondu (YUNİSEF) arasında “Uşaqların ailələrə verilməsi və alternativ qayğı ilə əhatə olunması mexanizminin yaradılması” layihəsinin həyata keçirilməsi üçün birgə əməkdaşlığa dair anlaşma memorandumu imzalanmışdır.
8 Mart Beynəlxalq Qadınlar Günü münasibəti ilə Səbail Rayon İcra Hakimiyyətinin təşkilatçılığı ilə “MESA” restoranında bayram tədbiri keçirildi. Rayonun ictimai-siyasi həyatında fəal iştirak edən dövlət, elm, təhsil, səhiyyə, mədəniyyət idarəsində və digər sahələrdə çalışan, ictimai təşkilat və birliklərə rəhbərlik edən qadınların iştirak etdiyi tədbiri giriş sözü ilə
Azərbaycan muğam sənətinin qorunmasına və inkişafına xüsusi diqqət və qayğı göstərən Heydər Əliyev Fondu xalq artisti, professor Canəli Əkbərovun 70 illik yubileyi münasibətilə xanəndənin musiqi albomunu nəşr etdirmişdir. Azərbaycan musiqi ifaçılığı məktəbinin görkəmli nümayəndəsi Canəli Əkbərovun həyat və yaradıcılığına həsr olunmuş albom
Latın Amerikası bölgəsində Azərbaycanla tanışlığın artırılması məqsədi ilə Meksikada martın 6-dan 11-dək davam edəcək Azərbaycan mədəniyyəti günləri keçirilir. Əlamətdar hadisə ərəfəsində Meksikanın ingilisdilli mətbu orqanı “The News” qəzeti martın 5-də ölkəmiz barədə 4 səhifəlik xüsusi buraxılış nəşr etmişdir. Rəngarəng fotolarla zəngin buraxılışda Azərbaycan Respublikasının Meksikadakı səfiri İlqar Muxtarovun müsahibəsi, Azərbaycan haqqında ümumi göstəricilər, habelə xalqımızın tarixi, ədəbiyyatı, musiqisi, folklor mədəniyyəti, milli mətbəximizə dair ətraflı məlumat verilmişdir.
Dünya maliyyə böhranına baxmayaraq, Bolonya sisteminə qoşulmuş bir çox ölkələr, o cümlədən Azərbaycan təhsil sahəsinin maliyyələşdirilməsini nəinki azaltmır, əksinə, artırır. Bu barədə Bolonya sisteminin iştirakçısı olan 46 ölkə barədə hazırlanmış hesabatda deyilir. Hesabat Avropa Komissiyası üçün hazırlanmış və martın 8-də qurumun təhsil, mədəniyyət üzrə komissarı Andrulla Vassiliu tərəfindən təqdim olunmuşdur. Hesabatda bildirilir ki, bir sıra ölkələrdə təhsilə ayrılan büdcə vəsaitlərinin ixtisarı müşahidə olunur.
Tarixə nəzər salsaq, görərik ki, dövlət idarəçiliyində elm, alim həmişə güclü qüvvə kimi qəbul edilmişdir. Əmir Teymurun hakimiyyəti illərində sənətkarların, din və elm xadimlərinin, yazarların öncül yerdə olması, eyni zamanda, yürüşlər zamanı fateh ordunun zəbt etdiyi yerlərdən alimlərə, sənətkarlara toxunmadan onların saraya alınması məhz çevrənin mükəmməlləşdirilməsi siyasətini güdmüşdür. Mustafa Kamal Atatürkün türk aydınlarını önəçəkməsi Türkiyə Cümhuriyyətinin sivil bir dövlət kimi özülünü möhkəmləndirmişdi.
Son 2 ildə üçüncü dəfə Zərdabda qanvermə aksiyası keçirilmişdir. Heydər Əliyev Fondunun təşəbbüsü ilə talassemiya və hemofiliyalı xəstələrə kömək məqsədilə keçirilən əvvəlki 2 tədbirdə 200-ə qədər donor iştirak etmiş və 60 litrdən çox qan vermişlər. Bu günlərdə Heydər Əliyev Fondunun və Azərbaycan Respublikası Səhiyyə Nazirliyinin təşəbbüsü ilə Mərkəzi Rayon Xəstəxanasında keçirilən qanvermə aksiyasında da bu xeyirxahlıq missiyasında 279 könüllü donor iştirak etmişdir. 82 nəfər 30 litrdən çox qan vermişdir. Aksiyada yerli icra və bələdiyyə orqanlarının nümayəndələri, ayrı-ayrı əmək kollektivlərinin üzvləri fəallıq göstərmişlər.
Son 5 ildə səhiyyəyə ayrılan büdcə vəsaiti 8 dəfə artmışdır. Bunu fevralın 19-da keçirilən mətbuat konfransında səhiyyə naziri Oqtay Şirəliyev demişdir. 2009-cu ildə ölkəmizdə səhiyyə sistemində bütün sahələrdə islahatların davam etdirildiyini deyən nazir bildirmişdir ki, 2003-cü ildə səhiyyəyə 59 milyon vəsait ayrılmışdırsa, 2009-cu ildə bu sahəyə 502 milyon 570 min manat pul ayrılmışdır.
Müsahibimiz Türkiyənin “TÜRKSAM” Beynəlxalq Strateji Araşdırmalar Mərkəzinin rəhbəri Sinan Oğandır — Sinan bəy, ABŞ-ın Nümayəndələr Palatasının Xarici Əlaqələr Komitəsində “erməni soyqırımı” ilə bağlı qanun layihəsinin qəbul olunması təbii ki, həm Türkiyədə, həm də Azərbaycanda ciddi etirazlara səbəb oldu. Komitədə layihənin təsdiqlənəcəyi gözlənilən idimi? — ABŞ-ın Nümayəndələr Palatasının Xarici Əlaqələr Komitəsində “erməni soyqırımı”na dair qanun layihəsi komitənin ermənipərəst rəhbəri, yəhudi əsilli Hovard Bermanın xüsusi canfəşanlığı nəticəsində cəmi bir səs çoxluğu ilə qəbul olunub. Yəni layihənin qəbul olunmamaq ehtimalı da var idi. Bu dəfə Bermanın “fəaliyyəti” mühüm rol oynadı.
Bir neçə gün əvvəl ABŞ Konqresi Nümayəndələr Palatasının Xarici Əlaqələr Komitəsi tərəfindən qondarma “erməni soyqırımı”nın tanınması ilə əlaqədar qətnamə qəbul edilməsi qardaş Türkiyədə olduğu kimi, Azərbaycanda da kəskin etirazla qarşılanmışdır. Özünü iki yüz ildən artıq demokratik ölkə kimi tanıdan ABŞ kimi super dövlətin Nümayəndələr Palatasının Xarici Əlaqələr Komitəsində belə bir qeyri-demokratik, ədalətsiz qərar qəbul olunması bu ölkənin dövlətlərarası münasibətlərə ikili mövqe nümayiş etdirməsindən xəbər verir.
Ölkə xəbərləri
10.03.2010 ATƏT PA prezidentinin Cənubi Qafqaz respublikalarına səfərinin vaxtı dəqiqləşmişdir Martın 9-da ATƏT Parlament Assambleyasının (PA) prezidenti Joao Soareş Cənubi Qafqaz respublikalarına səfərə gəlmişdir. ATƏT PA-nın Ermənistan-Azərbaycan, Dağlıq Qarabağ münaqişəsi üzrə xüsusi nümayəndəsi Qoran Lenmarkerin də daxil olduğu nümayəndə heyəti martın 9-10-da Gürcüstanda olacaq, sonra Ermənistana gedəcəkdir. ATƏT rəsmiləri Azərbaycana martın 13-də gələcəklər.
10.03.2010 Gəncə şəhər sakini Şöhrət Quliyevin başçılıq etdiyi silahlı dəstənin digər ağır cinayətlər törətməsi də sübuta yetirilmişdirRespublika Baş Prokurorluğu və Daxili İşlər Nazirliyi mətbuat xidmətlərinin birgə məlumatında bildirilir ki, 2003-2004-cü illərdə Bakı və Gəncə şəhərlərində Əhməd İbrahimovun və Kamal Ələkbərovun qəsdən öldürülməsi faktı üzrə keçirilən istintaq hərəkətləri və əməliyyat-axtarış tədbirləri nəticəsində iş üçün əhəmiyyət kəsb edən bir sıra maddi sübutlar əldə olunmuş, eləcə də Gəncə şəhər sakini Şöhrət Quliyevin başçılıq etdiyi silahlı cinayətkar dəstə tərəfindən digər ağır cinayətlərin törədilməsi təkzibedilməz dəlillərlə sübuta yetirilmişdir.
10.03.2010 Rusiya Federasiyası Yazıçılar Birliyinin konfrans zalında təqdimat “Rusiya Federasiyasının dövlət nümayəndələrinin Azərbaycana, Azərbaycan rəsmilərinin isə Rusiyaya qarşılıqlı səfərləri, eləcə də xalqlar arasındakı səmimi etimad hissləri bizi getdikcə bir-birimizə daha dərindən bağlayır. Elə bu gün təqdimatına yığışdığımız “Kəlamlar" kitabının çoxmilyonlu rus oxucularına təqdim edilməsi də həmin etimadın təzahürüdür. Təsadüfi deyil ki, Rusiya Federasiyası Yazıçılar Birliyinin Moskva şəhər şöbəsi 2010-cu ilin əvvəlində 30-dan çox ölkənin məşhur nəşriyyatlarının və görkəmli ədiblərinin iştirak etdiyi Havana Kitab Sərgisinə bu kitabı da göndərmişdi.
10.03.2010 Azərbaycanda narkotiklərin qanunsuz dövriyyəsinə qarşı mübarizə ildən-ilə güclənir Müasir dünyamızın ən mühüm problemlərindən birinin — narkotiklərin qanunsuz dövriyyəsi ilə mübarizə probleminin effektiv həlli yollarının axtarışı davam edir. Əvvəllər narkotiklərdən sui-istifadə problemi bir neçə ölkə qarşısında dururdusa, hazırda vətəndaşlarının narkotizasiyasının acı nəticələrini hiss etməyən dövlət tapmaq, demək olar ki, mümkün deyildir. Ümummilli liderimiz Heydər Əliyev 1997-ci ilin fevral ayında Bakıda keçirilən BMT-nin Yaxın və Orta Şərqdə narkotik vasitələrin qanunsuz dövriyyəsinə nəzarət və bununla bağlı problemlər üzrə
10.03.2010 Nəsimi rayonunda bayram tədbiriNəsimi rayonunda 8 Mart — Beynəlxalq Qadınlar Günü münasibətilə tədbir keçirilib. Rayon icra hakimiyyəti və Azərbaycan Təhsil İşçiləri Azad Həmkarlar İttifaqı Nəsimi rayon komitəsinin təşkil etdikləri tədbiri Nəsimi rayon icra hakimiyyəti başçısının birinci müavini Ağəli Əhmədov açaraq qadınları bayram münasibətilə təbrik etmiş, onlara işlərində uğurlar arzulamışdır. O bildirmişdir ki, Azərbaycan qadını mənəvi dəyərlərimizin, dilimizin, adət-ənənələrimizin qorunub saxlanılmasında və indiyədək yaşadılmasında misilsiz xidmətlər göstərmişdir.
İdman
10.03.2010 Moskvada sərbəst güləş üzrə dünya kubokuna yekun vurulub Rusiya paytaxtında sərbəst güləş üzrə dünya kuboku başa çatıb. Finalda İran üzərində 5:2 hesabla qələbə qazanan Rusiya yığması nüfuzlu turnirin qalibi olub. Dünya kubokunun ötənilki sahibi Azərbaycan millisi isə bu dəfə 3-cü yerlə kifayətlənməli olub. Qrup mərhələsində İrana 2:5 hesabı ilə uduzan komandamız sonrakı qarşılaşmalarında Özbəkistana 6:1, ABŞ-a 5:2 hesabı ilə qalib gəlib. Amma bu, qrup liderliyi üçün kifayət etməyib. Azərbaycanla yanaşı, ABŞ-ı 5:2, Özbəkistanı isə 6:1 hesablı məğlubiyyətə uğradan İran B qrupunda birinci yeri tutub və finala vəsiqə qazanıb.
6.03.2010 “Dördlər finalı” Bakıda keçiriləcək Qadınlardan ibarət Avropa Voleybol Konfederasiyasının (CEV) Kuboku uğrunda “dördlər finalı” mərhələsinin yarışları Bakıda keçiriləcək. Belə ki, bu qərarı qurumun prezidenti Andre Meyer və Avropa Kubokları Komissiyasının rəhbəri xanım Ruet Oms namizədliklərini irəli sürən şəhərlərin sənədlərini araşdırdıqdan sonra qəbul ediblər. Qeyd edək ki,ölkəmizi adı çəkilən turnirdə ilk dəfə olaraq qadınlardan ibarət “Rabitə” voleybol klubu təmsil edəcək. Rabitəçilər bu uğura dörddəbir final mərhələsində Türkiyənin “Eczaçıbaşı-Zenitva” klubuna qalib gəlməklə nail olublar.
5.03.2010 Azərbaycan idmançıları Tehranda dünya kuboku uğrunda yarışlarda uğurla çıxış etmişlərGənc idmançı Musa Abdullayev redaksiyamızın qonağı olmuşdur Məlum olduğu kimi, fevralın 17-dən 19-na qədər Tehranda kunq-funun Çou-Li-Fut döyüş növü üzrə dünya kuboku yarışları keçirilmişdir. Yarışda ölkəmiz 19 idmançı ilə təmsil olunmuşdur. Ümumiyyətlə, adı çəkilən nüfuzlu turnirdə 17 ölkədən 300-dən çox idmançı iştirak etmişdir. Sevindirici haldır ki, Tehran turniri idmançılarımız üçün olduqca uğurlu alınmışdır. Belə ki, Azərbaycan yığması yarışlarda 15 medal qazanaraq, ümumi komanda hesabında meydan sahibi İran millisindən sonra ikinci olmuşdur.
Dünya xəbərləri
